تبييض البشرة بالليمون.. جربيه لتفتيح بشرتك!!

يُعتبر تبييض البشرة بالليمون من الوسائل الطبيعية التي تلعب دوراً كبيراً في تبييض البشرة، لما يحتويه من عناصر تسهم في إزالة خلايا الجلد السوداء والذي يسهم في إكساب البشرة لوناً فاتحاً، والآن إليك طريقة تبييض البشرة بالليمون:

المكونات:
•2 ملعقة عصير ليمون
• 4 ملاعق طحين أبيض
•3 ملاعق حليب طازج
• ملعقة صغيرة عسل
• ملعقة كبيرة ماء

الطريقة:
- اخلطي الطحين، عصير الليمون، الحليب، والعسل مع الماء

- امزجي الخليط جيداً وضعيه على البشرة لمدة 15 دقيقة.

- اغسلي وجهك بعدها بالماء البارد وستلاحظين الفرق مع الاستمرار في استعمال الوصفة.

ملحوظة: إذا كانت بشرتك حساسة فيُفضل التقليل من كمية الليمون لأن البشرة عادةً ما تتأثر بالحمضيات.

السلام عليكم انا ساسو احب ان اكون صديقة كنت فى مصيف ورجعت وجهى اسود بمعنى الكلمه هذا المصيف كان من اسبوعين رجاءا هل اجد حاجة سريعة لحالتى

من عيوني أختي ساسو رح جب لك وصفات خاصة بحالتك و أنزلهالك هنا و باذن الله تستفيدي منها يا قمر
بس أنا عاوزة أعرف نوع بشرتك ايه , هي دهنية و لا جافة و لا عادية لأن لكل نوع من أنواع البشرة ليه وصفة مختلفة عن التانية و دي بعض
وصفات التبييض علشان البشرة المحروقة بالشمس :

أولا البشرة الدهنية
لصاحبة البشرة الدهنية ياريت إنك تغسليها ثلاث مرات يوميًّا باستخدام الماء والصابون المناسب لنوع بشرتك. علشان تتخلصي من الدهون الزائدة اللي بتترسب بمسام الجلد وتسدها.
والماسك ده لأصاحب البشرة الدهنية
المكونات:
3 دقيق ملاعق لبن مقدار مناسب ليهم عصير لمونة
• الطريقة :
اخلطي كل المكونات دي مع بعضها كويس لغاية ما تكون على شكل عجينة لينة وبعد كده حطيها على وشك لمدة 20 دقيقة وبعد كده اغسلي وشك بالماء الدافي كرري الماسك ده لمدة يومين في الأسبوع .

ثانيا البشرة الجافة
طبعا لأن البشرة دي بتتميز بالجفاف فتلاقي إنه من المناسب جدا إنك تغسلي وشك مرة واحدة أو مرتين على الأكثر يوميًا بالمية الباردة بدون صابون علشان الصابون هيزود جفاف البشرة.. ولو هتستخدمي صابون ياريت إنك تختاري الصابون اللي بيحتوي على زيوت زي زيت "الزيتون" أو" الجلسرين"....

كمان ياريت إنك تغسلي وشك بالمية الباردة أو الفاترة وتجنبي نهائيا استخدام المية السخنة في غسيل وشك لأنها ببساطة بتؤدي إلى زيادة جفاف البشرة.
والماسك ده مناسب جدا لأصاحب البشرة الجافة
المكونات:
• معلقة عسل نحل.
• معلقة لبن حليب طازج.
• خميرة بيرة.
الطريقة:
اخلطي المكونات دي كلها مع بعضها جيدا وبعد كده ادهني بيها وشك بفرشاة بس خدي بالك إنك تبعدي نهائيا عن منطقة العينين وبعد كده سيبيه على وشك لمدة ربع ساعة وبعد كده اغسلي وشك بالماء الدافئ.. ممكن تعملي الماسك ده مرتين في الأسبوع وهتشوفي النتيجة بنفسك.

ثالثا البشرة العادية
ودي كفاية إنك تغسليها مرة في الصبح ومرة بالليل باستخدام صابون بيكون بيحتوي على زيوت طبيعية زي زيت جوز الهند أو زيت الزيتون.
والماسك ده مناسب جدا لأصحاب البشرة العادية

المكونات :
• بياض بيضة.
• عصير نصف ليمونة.
الطريقة :
اخلطي المكونات دية كلها مع بعض جيدا وبعد كده ادهني بيها وشك بفرشاة وبعد مرور ربع ساعة أغلسي وشك بالمية الباردة، كرري الماسك ده مرتين أو ثلاث مرات في الأسبوع وهتشوفي النتيجة بنفسك.

شكرا لك موضوع جميل

شكرا على اهتمامك انا بشرتى دهنية

العفو حبيبتي أهلا و سهلا بيكي شرفتي

» 3 خلطات من اللوز لتفتيح بشرتك!
» ماسك طبيعى لتفتيح البشرة
» وصفات منزليّة لتفتيح البشرة
» وصفة الترمس.. لتفتيح البشرة
» ماسك الزيوت الطبيعية لتفتيح البشرة