عبير الزهور نائبة المديرة
رقم العضوية : 2 الدولة : البلد : فى رحاب جنة الرحمن عدد المساهمات : 8799 تاريخ التسجيل : 05/07/2012 العمر : 33 المزاج : منتظرة ولى العهد
| موضوع: ما هو الغسل...؟؟ السبت سبتمبر 08, 2012 10:32 pm | |
|
حبيبتي الآنسة أو المتزوجة
تعرفي يعني ايه غُسل ؟
وهل يفرق عن الحموم العادي (الدُش) ؟
وهل ده زيادة منك انك تتبعي طريقة غسل معينة ؟ ولا بدون الطريقة دي ما يصحش الغسل؟
تعرفي ان الغسل ده مترتب عليه طهارتك للصلاة وبقية الاعمال ؟
تعرفي ان وضوئك مينفعش للصلاة لو انتي مش متطهرة صح؟
تعرفي ايه اللي بيوجب عليكي الغسل أو إنك تطهري ؟
-----
الموضووع بسيط إن شاء الله
بس حبيت احط نقاط كتير للتفصيل والتدقيق عشان تاخدوا بالكوا
بصوا يا بنات موضوع الطهارة ده مهم جدا
ولو انتي مش طاهرة لا يقبل منك صلاة
فهنبتدي واحدة واحدة نتكلم عن ايه هو الغسل وايه طريقته ويفرق ايه عن الحموم العادي
وايه هي الحاجات اللي تخليني لازم عليا اني اغتسل (سواء متزوجة أو لا )
وأنا مستعينة في الشرح بشرح الشيخ ابن عثيمين -رحمه الله- في الطهارة
وبعد ما اخلص ان شاء الله لو اي واحدة ليها اي استفسار عن اي شيء يخص الموضوع ده تتفضل
وهرد عليها بفتاوى العلماء الأكابر مش من عندي زي ما متعودين بعون الله .
------
نبدأ بسم الله ..
1- يعني إيه غسل؟ [ غُسل يعني اغتسال من الحدث الأكبر (اللي هو الحيض أو الجنابة) ، .. يعني تغتسلي بطريقة معينة لما يصيبك حيض أو جنابة والطريقة دي وضحها وبيّنها لينا الرسول الكريم عشان تبقي طاهرة ]
2- هل يفرق عن الحمى (الدش) اللي باخده كده عادي؟ أه يفرق وهقوللك بعدين يفرق في ايه .
3- طيب إيه اللي يُوجِب عليا الغسل ويخليني لازم اغتسل ؟ (موجبات الغسل) حاجات كتير ..: ---- 1- انك تطهري من الحيض (بالنسبة للمتزوجة وغير المتزوجة) [ والطهر للي ما تعرفش له علامتين: 1- إما إنك تكوني من النوع اللي بيشوف القَصَّة البيضاء فلما تشوفيها يبقى انتي كده طهرتي وواجب عليكي الاغتسال للصلاة . ( والقصة البيضاء عبارة عن إفراز ابيض لزج يخرج بعد انتهاء الحيض عند بعض النساء والبعض الآخر لا ).
2- إما إنك تكوني من النوع اللي مش بتيجي له قصة بيضاء .. يبقى تعرفي انك طهرتي بالجفاف التام يبقى كده طهرتي وواجب عليكي الاغتسال للصلاة. ( والجفاف التام يُعرف لما ينتهي الدم والافرازات التابعة والمدة المحددة لكِ في الحيض، وتقومي بوضع قطنة بيضاء من الخارج محل خروج الدم ولا تجدي أي تعكير "لا اصفر ولا بني ولا غيره" .. تخرج بيضاء تماما يبقى كده انتي طهرتي)
- وفي هنا تنبيه.. القطنة تكون من الخااارج ] .
2- إنك تطهري من النفاس . [ ويأخذ أحكام الحيض السابقة ] .
3- إنزال المني . [ وده بيكون عن طريق: - الجماع ، أو - الاحتلام أثناء النوم ، أو - العادة السرية "استغفر الله" .. " وده للمرأة والرجل على حد سواء ] .
4- الجماع . [ حتى لو بدون إنزال ، طالما حصل إيلاج لازم غسل للرجل والمرأة ( ودي حاجة ناس كتير ما تعرفهاش ) ] .
5- الموت . [ ودي طبعا محدش بيعملها لنفسه، ربنا يرحمنا ويغفر لنا ويحسن خاتمتنا أجمعين ] .
دي موجبات الغسل .
طيب بعد ما عرفنا كل ده .. 4- يا ترى إيه بقى صفة الغسل وازاي اغتسل صح؟ [ اولا: ولأن أي عمل أساسة النية ، لازم تنوي بقلبك الاغتسال لرفع الحدث عنك ولتطهري ثانيا: الغسل له صفتين: صفة واجبة ، وصفة كاملة إيه الفرق بينهم؟ الصفة الواجبة .. بترفع عنك الحدث الأكبر (الجنابة أو الحيض) وتخليكي طاهرة والصفة الكاملة .. بترفع عنك برضو لكن بتتبعي فيها سنة الرسول اكتر ودي اكمل . والاتنين يخلوكي طاهرة
الصفة الواجبة: هي إنك تعمي الجسم كله بالماء (ولكن لازم تزيدي المضمضة والاستنشاق) وكده تبقي طهرتي خلاص غير انه يفضل للي بتطهر من الحيض إنها تغتسل بالسدر وتعطر محل خروج الدم بالمسك .
أما الصفة الكاملة: فهي غسل الكفين ثم غسل الفرج ثم غسل أي موضع تلوث من الجنابة ، ثم تتوضأي وضوءا كاملا كوضوئك للصلاة ، ثم غسل الرأس ثلاثا ، ثم غسل بقية البدن . وبكده الحمد لله تكوني طهرتي
** الدليل على صفة الغسل الكاملة: ------------ في الصحيحين عن عائشة ـ رضى الله عنها: أن النبي صلى الله عليه وسلم كان إذا اغتسل من الجنابة يبدأ فيغسل يديه ثم يفرغ بيمينه على شماله فيغسل فرجه ثم يتوضأ وضوءه للصلاة، ثم يأخذ الماء ويدخل أصابعه في أصول الشعر حتى إذا رأى أن قد استبرأ، حفن على رأسه ثلاث حفنات ثم أفاض على سائر جسده ثم غسل رجليه.
** شرح: ------ ( ويحثي ) يقال : حثوت ، أحثو حثوا ، كغزوت ، وحثيت أحثي حثيا كرميت ( بالماء على رأسه ثلاثا ) يعني : بالماء لقول ميمونة : ثم أفرغ على رأسه ثلاث حفنات ( يروي بها ) في كل مرة ( أصول الشعر ) لقول عائشة : ثم يأخذ الماء فيدخل أصابعه في أصول الشعر حتى إذا رأى أنه قد استبرأ حفن على رأسه ثلاث حفنات ، ولقوله عليه السلام : تحت كل شعرة جنابة ، فاغسلوا الشعر ، وأنقوا البشرة رواه أبو داود . ] .
5- هل أنا بعد الغسل محتاجة اتوضى عشان أصلي؟ [ لا ، الغسل يكفي عن الوضوء إن شاء الله ] .
6- لو بستحمى عادي .. محتاجة بعديها اروح اتوضى عشان أصلي؟ [ أيوا ، لأن هنا الاستحمام ده استحمام نظافة وتبرد مش رفع حدث وبالتالي لا يكفي عن الوضوء ومحتاجة تتوضي عشان تصلي ، وممكن تتوضي وانتي بتستحمي!] . *** النقطة دي فيها خلاف بين العلماء بس أنا ذكرت الأحوط واللي أنا باخد بيه ***
7- ينفع اغتسل واعمل كل اللي قلتي عليه ده بس من غير ما اغسل شعري ؟ [لا لا لا يجوز أبدا ، ولا يصح غسلك بدون غسل شعرك ] .
8- طيب لو عاملة شعري ضفيرة لازم افكه عشان اغتسل ؟ [ لا مش لازم ودليل ذلك حديث أم سلمة قالت : قلت يا رسول الله إني امرأة أشد ضفر رأسي أفأنقضه لغسل الجنابة ، وفي رواية " والحيضة ؟ فقال : لا ، إنما يكفيك أن تحثي على رأسك ثلاث حثيات . رواه مسلم ]
----
انا كده يا بنات الحمد لله خلصت اللي كنت عايزة اقولهولكوا وان شاء الله ما اكونش نسيت حاجة واكون رتبت صح وعرفت اوصل لكوا المعلومة صح واي استفسارات تحت امركم واسأل الله الاستفادة لنا اجمعين
وفي الختام فما كان من صواب فمن الله المنان وما كان من خطإ فمن نفسي والشيطان والله ورسوله منه براء
والحمد لله رب العالمين .
| |
|
ناردين مشرفة قسم أسرار البنات
رقم العضوية : 14 الدولة : البلد : فى بيتى العزيز عدد المساهمات : 2061 تاريخ التسجيل : 29/08/2012 العمر : 33 المزاج : عايشييين
| موضوع: رد: ما هو الغسل...؟؟ الأحد أكتوبر 28, 2012 4:02 pm | |
| | |
|
عبير الزهور نائبة المديرة
رقم العضوية : 2 الدولة : البلد : فى رحاب جنة الرحمن عدد المساهمات : 8799 تاريخ التسجيل : 05/07/2012 العمر : 33 المزاج : منتظرة ولى العهد
| موضوع: رد: ما هو الغسل...؟؟ الأربعاء نوفمبر 07, 2012 12:24 am | |
| | |
|
ريحانه مشرفة قسم الفتاوى الشرعية الاسلامية
رقم العضوية : 58 الدولة : البلد : ثغر اليمن الباسم _عدن عدد المساهمات : 1411 تاريخ التسجيل : 22/11/2012 المزاج : رومانسية
| موضوع: رد: ما هو الغسل...؟؟ السبت نوفمبر 24, 2012 11:01 pm | |
| الله يحفظك ويجزيك كل الخير | |
|
عبير الزهور نائبة المديرة
رقم العضوية : 2 الدولة : البلد : فى رحاب جنة الرحمن عدد المساهمات : 8799 تاريخ التسجيل : 05/07/2012 العمر : 33 المزاج : منتظرة ولى العهد
| موضوع: رد: ما هو الغسل...؟؟ السبت نوفمبر 24, 2012 11:56 pm | |
| الله يعزك يارب واياكى روحى يجزينا وامة المسلمين اجمعين | |
|
عقيق اليمن مشرفة عالم المرأة
رقم العضوية : 63 الدولة : البلد : تعز عدد المساهمات : 217 تاريخ التسجيل : 01/12/2012 العمر : 36 المزاج : تماااااااااااااام
| موضوع: رد: ما هو الغسل...؟؟ السبت ديسمبر 08, 2012 6:06 am | |
| | |
|
عبير الزهور نائبة المديرة
رقم العضوية : 2 الدولة : البلد : فى رحاب جنة الرحمن عدد المساهمات : 8799 تاريخ التسجيل : 05/07/2012 العمر : 33 المزاج : منتظرة ولى العهد
| موضوع: رد: ما هو الغسل...؟؟ السبت ديسمبر 08, 2012 6:47 am | |
| جزانا واياكى حبيبتى الغالية | |
|