زهرة المنتدى
مشرفة عالم الطفل
الدولة : 
البلد : مدينة الشيخ زايد
عدد المساهمات : 637
تاريخ التسجيل : 01/02/2013
العمر : 23
المزاج : فرحانة
 |  موضوع: القط المحتال  الأحد مارس 10, 2013 1:48 am | |
| القط المحتال
************
كان يامكان كان في قط اسمه عنتر
صاحبه اختار له الاسم ده عشان هو كان شجاع وقوي زي عنتر الفارس العربي
القط عنتر كان بيصطاد الفيران من الغيط
وكان عنتر بيدخل المخزي بالليل
ويقعد يستنى الفيران عشان تخرج من جحرها
هو عنتر كان بيحرس المخزن من الفيران ولا كان بيحب لحم الفيران ؟
عنتر اصطاد فيران كتيرة من الغيط
واصطاد كمان فيران كتيرة من المخزن
بعد كده حست الفيران بخطر عنتر عليها في كل مكان
فبقت تهرب منه وتختفي لما تشوفه من بعيد
ولما عنتر كبر وضعف وعجز بقى مش بيعرف يجري ولا بيعرف يصطاد الفيران
فقال في نفسه : المخزن كفاية !!!
وقعد فيه بيستنى ان اي فار يخرج عشان ياكله حتى لو كان صغير
الفيران شافت عنتر وهما في جحرهم
وعرفوا انه بقى ضعيف وعجوز فقعدوا مع بعضهم عشان يفكروا في اللي حصل ده
وبعدين قالوا : احنا هنخرج ناكل بس نبعد عن عنتر
وخرجوا الفيران من جحرهم
وبقوا يجرو في المخزن وياكلوا اي حاجة فيه
وشافهم عنتر وقال : دي فرصتي عشان اهجم عليهم
بس هو معرفش يصطاد اي واحد فيهم
قال عنتر في نفسه : اعمل خطة عليهم احسن
وحط سبحة على رقبته
ووقف قدام الجحر يصلي ويقرا
شافوه الفيران من جوا
فاستغربوا اوي
وبعد ماصلى رقد قدام الجحر
وحط ديله عند الباب
والفيران كانت بتبصله وكل واحد يسأل صاحبه : ايه اللي حصل لعنتر ؟
قالوا الفيران : هو عنتر مات ؟ هو عنتر نام ؟
فقام خرج فار شاب وعض ديل عنتر عضة جامدة خالص
بس عنتر فتح عينه وقاله : ربنا يسامحك ياخويا الصغير
وبعدين بص في الجحر وقال لملك الفيران : انا كبرت وتبت وجيت ليكم عشان اطلب منكم تسامحوني عشان ربنا يغفر ليا ذنوبي اخرجوا والعبوا وكلوا زي ماتحبوا
الفيران صدقوا عنتر وخرجوا
عنتر في اليوم الاول سابهم في حالهم
وفي اليوم التاني سابهم برضه
وفي اليوم التالت استنى لحد ماكلهم دخلوا الجحر واصطاد اخر واحد فيهم واكله
عرفوا الفيران الخطة وبقوا يحفروا باب تاني لجحرهم
فناداهم عنتر وقال : اخرجوا يا اصحابي انتوا نسيتوا اني تبت ؟
رد عليه الملك وقاله : بس انت نسيت ترمي عظم الفار اللي انت اكلته امبارح
********************
وتوتا توتا
فرغت الحدووووتة
| |
|
نور الشام
مديرة منتدى أحلى صبايا
رقم العضوية : 1
الدولة : 
البلد : في قلب الحبايب
عدد المساهمات : 5141
تاريخ التسجيل : 05/07/2012
العمر : 47
المزاج : راااااااااايقة
| | موضوع: رد: القط المحتال الأحد مارس 10, 2013 4:52 pm | |
| | |
|
زهرة المنتدى
مشرفة عالم الطفل
الدولة :
البلد : مدينة الشيخ زايد
عدد المساهمات : 637
تاريخ التسجيل : 01/02/2013
العمر : 23
المزاج : فرحانة
| | موضوع: رد: القط المحتال الأحد مارس 17, 2013 2:05 am | |
| شكرا لك عزيزتي على المرور | |
|
