النهاردة هانتكلم عن الافرازات قبل وبعد الحيض
وعن حكم الجماع بعد توقف الحيض وقبل الاغتسال
اولا الافرازات
نقطه هاااااااامه جدا جدا وكتيييير بنات بتسأل وتحتار فيها
الصفره والكدره اللى قبل الحيض واللى بعد الحيض ايه نظامها ؟؟؟
اولا نعرف الصفره والكدره يعنى ايه ؟
الصفره : افرازات صفراء
الكدره : افرازت بنى - لون معكر يعنى كده -
طيب الصفره والكدره ليها حالات
1- قبل الحيض
الصفره والكدره قبل الحيض ليست بحيض مدام مش بتنزل بأستمرار ولا متصلة بالحيض ولا بيصاحبها آلآم وأعراض و لا فى ميعاد الحيض
انما لو متصلة يعنى بتنزل بأستمرار وفى اعراض للحيض وفى وقت الحيض تبقى من الحيض
2- اثناء الحيض او متصله بآخره
تبقى من الحيض نفسه
وتاخد نفس احكام الحيض
3- بعد الطهر
يعنى المراه خلصت ايام الحيض و رأت علامة الطهر و اغتسلت ثم بعد الغسل رات صفره او كدره
هنا الافرازات دى لا تعتبر شيئ
يعنى المراه تصلى عادى وتصوم عادى
لحديث السيدة عائشة رضى الله عنها ( كنا لا نعد الكدرة والصفرة بعد الطهر شيئا )
ايه هى علامة الطهر ؟
يُعرف الطهر بعلامتين
الاولى نزول القصة البيضاء ودى سائل ابيض بينزل فى اخر الحيض دليل على انتهاؤه
الثانية الجفوف يعنى المكان يبقى جاف من الدم بحيث لو دخلتى قطنة فى المكان تطلع نضيفة او فيها افراز ابيض مش بنى ولا بيج ولا اصفر
بالشكل ده تبقى طهرتى وتقدرى تغتسلى ولو نزلت اى صفرة او كدرة بعد الطهر تبقى استحاضة
بتغيرى ملابسك الداخلية وتتوضى لكل صلاة بعد دخول وقتها يعنى تتوضى وتصلى على طول مش تقعدى بوضوك فترة
ثانيا
حكم الجماع بعد انقطاع الحيض وقبل الاغتسال
لا يجوز انه يجامع الزوج زوجته إذا رأت الطهر إلا إذا اغتسلت، والدليل أن الله تبارك وتعالى قال في كتابه الكريم: وَيَسْأَلُونَكَ عَنِ الْمَحِيضِ قُلْ هُوَ أَذًى فَاعْتَزِلُوا النِّسَاءَ فِي الْمَحِيضِ وَلا تَقْرَبُوهُنَّ حَتَّى يَطْهُرْنَ [البقرة:222] أي: يرين الطهر فَإِذَا تَطَهَّرْنَ [البقرة:222] أي: فإذا اغتسلن فَأْتُوهُنَّ مِنْ حَيْثُ أَمَرَكُمُ اللَّهُ [البقرة:222]، وده رأى جمهور أهل العلم
بكرة ان شاء الله هانعرف مع بعض كيفية الاغتسال الصحيحة
وهل الاستحمام العادى بيغنى عن الوضوء ولا لأ
والاغتسال بنيتين