عبير الزهور نائبة المديرة
رقم العضوية : 2 الدولة : البلد : فى رحاب جنة الرحمن عدد المساهمات : 8799 تاريخ التسجيل : 05/07/2012 العمر : 33 المزاج : منتظرة ولى العهد
| موضوع: موضوع عن المناطق الحساسة؟؟؟ الأربعاء أغسطس 22, 2012 8:05 pm | |
| انا انهارده كاتبه موضوع عن المناطق الحساسه وطرق العنايه بيها خصوصا لبنات الى لسه متجوزوش لان فى كتير بيهملوها على اساس انهم مش متزوجين وكده
الاول يا بنات هنصلى على النبى (عليه الصلاه و افضل السلام)
بصوا بقى هنبدا باول حاجه او ماتستحمى: بصى ياقمر تاخدى الشاور عادى خالص هنيجى بقى للمهم اول هام هتغسلى المنطقه دى بميه دافيه ومعاها صابون مطهر زى ديتول و لايف بوى الى تحبيه وهتغسلى تحت الابط كمان بالصابونه كويس اوى ولو بالمره صابونه دوف بعدها بتنعم اوى مناطق كتير زى الركبه والكوع فممكن تغسلى بيها تحت الابط و المنطقه الحساسه.
المهم يابنات اغسلوها بس بالراحه بليفه ناعمه بلاش الليفه الخشنه دى عشان فى بنات بشرته حساسه و متستحملش الحك ده كله
لو عندك بقى البريود ياقمر هنعمل ايه؟؟؟؟؟؟؟ بصى ياحببتى هتعملى نفس الخطوات الى فوق بس ياسلام بقى لو فى غسول للمنطقه دى اى غسول بس المهم يكون استعماله ظاهرى يعنى تقولى للصيدلى كده وتقراى الى على الغسول لحسن تاخدى واحد بيتعمل بيه الدش المهبلى و هترميه طبعا فى الاخر لو انتى بنت.
بعد ما تخلصى كل ده هنشف كويس اوى ولو عندك البريود متنشفيش بالفوطه يستحسن بكلينكس ناعم كده عشان الفوطه مش تبوظ
هنجيب بقى مسك بيتباع عند مستحضرت التجميل بس بيبقى مش حلو لو حد من قرايبك فى السعوديه خليه يجبهولك بيبقى حلو اوى ورحته تحفه ولو مفيش فى حجر مسك عند العطارين هنجيب الحجر وندعك بيه البانتى ولو عندك المسك السايل يبقى بقطنه صغننه ونمسح بيها على المنطقه دى فى نهايه البريود او لو مش عندك برضه.
لو مفيش بقى مسك خلاااااااص ولا يهمك اى برفان او اسبراى خفيف كده ورشيه ع البانتى واستنى شويه عشان لو فيه كحول ولا حاجه . هنحط بقى مزيل عرق تحت الابط ومنه انواع كتييييييير بس حاولى تجيبى واحد خالى من الكحول عشان ميسمرش ولا حاجه.
وممكن بقى تحطى بدره معطره على جسمك بريحه هاديه بتدى ريحه جنان .
وتلبسى وهتبقى قمر بس عندى بقى كاااام ملحوظه كده:
بصوا ياجماعه اول حاجه لما تدخلى الحمام اهم حاااااجه وبجد ماتنسوهاش انك تنشفى كويس بعد ما تخلصى بكلنكس او حتى بلاش كلنكس هاتى فوطه ناعمه اوى وقطعيها حتت صغيره و تحطيها فى الحمام فى منطقه قريبه منك لما تخلصى نشفى بيها و فى الاخر بعد يومين مثلا ابقى اغسليها على ايدك وكده وبتتنشر وتستعمليها تانى وبجد ركزوا ونبى ع الموضوع ده كويس اوىى لان الميه الى بتفضل دى كمان ساعتين هتلاقى ريحه مش لطيفه ومع الاستمرار الريحه بتكبر وممكن توصل للى حواليكى مخنوقةفعشان خاطرى لازم تعملوها !
فى حاجه كمان واخر حاجه والله اسفه عارفه انى طولتسعيدة قويبعد ما البريود تخلص هاتى المسك دا بعد الطهور وبقطنه وامسحى بيها ع المنطقه دى وبعدها صلى ركعتين لله والله ليها فايده عظيمه اوى وان الذنوب كلها بتغتفر .
ميرسى ياحبايب قلبى انكوا سمعتونى ويارب تكونوا استفدتوا منى وبحبكوا فى الله وكل سنه وانتوا طيبين ومتنسونيش فى الدعوات يارب | |
|
ناردين مشرفة قسم أسرار البنات
رقم العضوية : 14 الدولة : البلد : فى بيتى العزيز عدد المساهمات : 2061 تاريخ التسجيل : 29/08/2012 العمر : 33 المزاج : عايشييين
| موضوع: رد: موضوع عن المناطق الحساسة؟؟؟ الجمعة نوفمبر 02, 2012 6:44 pm | |
| حلووووووووووووووووووووووووووووووووووووووو | |
|